Zhvillimi i kancerit të zorrës së trashë shpesh pason shfaqjen e polipeve, të cilat janë rritje të shtresës së brendshme të zorrës së trashë.
Polipet e zorrës së trashë dhe rektumit shpesh janë beninje. Kjo do të thotë se ato nuk janë kancer. Mund të jenë të pranishme një ose më shumë polipe dhe ato bëhen më të zakonshme me kalimin e moshës. Ekzistojnë shumë lloje polipesh.
Rreth 75% e kancereve kolorektale fillojnë nga polipet adenomatoze, dhe rreth 80% e të gjitha polipeve të zorrës së trashë janë adenomë. Por, vetëm rreth 5% e adenomave janë në fakt malinje. Përafërsisht, rreziku që një polip i rastësishëm i zorrës së trashë me madhësi mesatare të bëhet kancerogjen është 8% gjatë 10 viteve dhe 24% gjatë 20 viteve.
Adenokarcinomi është tipi më i zakonshëm i kancerit kolorektal.
Polipet që janë 1 cm ose më të mëdha kanë një rrezik më të madh për t’u zhvilluar në kancer krahasuar me polipet më të vogla se 1 cm.
Problemi më i madh është se shumica e polipeve të zorrës së trashë dhe shumë kancere kolorektale nuk do të shkaktojnë asnjë simptomë. Zakonisht, kur shfaqen simptomat, polipi tashmë është shndërruar në kancer. Kjo është arsyeja pse kontrollimi (testimi për sëmundje përpara se të keni simptoma) është kaq i rëndësishëm.
Simptomat e mundshme të polipeve të zorrës së trashë, megjithëse të pazakonta, përfshijnë:
- Gjak në jashtëqitje – gjakderdhja e ngadalshme mund të mos jetë e dukshme, por me kalimin e kohës mund të ndihet. Mund të zhvillohet anemi për mungesë hekuri, e cila shkakton efekte anësore si dobësi dhe lodhje.
- Ndryshime në funksionin e zorrës së trashë
- Ndryshime të paeksplikuara në jashtëqitje – rrallë, disa njerëz zhvillojnë diarre kronike ose kapsllëk të papritur ose fillojnë të shohin më shumë mukus në jashtëqitjen e tyre
Nëse përjetoni ndonjë nga këto simptoma, kontaktoni mjekun tuaj, ndani shqetësimin dhe pyetjet tuaja, dhe ndiqni rekomandimet për trajtim.
Shumë e rëndësishme për parandalimin e këtyre kushteve është ndjekja e një stili jetese të shëndetshëm dhe kontrollet e rregullta te popullata e moshuar, veçanërisht nëse ka histori familjare të polipeve ose kancerit të zorrës së trashë.
SKRININGU SHPËTON JETË!
